Lili ko bi: Usa ka pagpanuki ug kung nagnung hilig ug pang-li-li ning mga guard sa IIT

MSU IIT Entrance Gate
Photo Courtesy CDODev.com

Dili ka taga-IIT kung wala paka gili-li sa guard. Ay, este, gi-li-li imong bag sa guard. Kinsa gud ang wala nali-li-an? Murag halos man tanan. Samot na kung dako ng gidala-dala nimo nga bag sitahon dayun kag "Taymsa, Laptop na?" Aie, dili manong, Tupperware ni ug Pyrex ipa-log in jpun ni? Bitaw, di jud kag patakag tubag ana nila kay sa DSA ka puniton dayun (over pud, security office sa *andam index card*).

Daghan man ang mag-lagot ug ma-irita niini pero ako muingon, ayaw sila ang inyong basola kay sila gahimo ra sad sa trabaho nga gimando kanila sa panggamhanan sa IIT. Wala diay mo kabalo nga usa ka research ang gaingon nga ang mechanismo sa pag-li-li sa mga bag sa usa ka tunghaan isip usa ka primary security defense method batok sa mga daotang elemento, kay makatabang ug dako? I know wala mo kabalo ana, kay karon pa na siya namugna nga research. Hahaha! Ang punto kay ayaw kalagoti ning mga guard kay nanginabuhi ra sad ni sila. Luoy kaayo nga mga piste-pistehan ning mga guard sa usa ka estudyante lamang kay gisamokan siya'g lilion iyang bag unya late na siya sa iyang Finals. Sorry nalang sa guard, sorry na lang sa estudyante.

Dili man guro ni daotan- ang pag-check sa bag. Kabalo mo kung unsa ang maka-buwesit ani? Kani ay:

• Tuod nga imong ipa-check ang bag sa guard pero iya rang i-suksok iyang magic wand anang bag nimo. Unsa mana? Nag-check paka anang kahimtanga?
• "Check ko brad/sis/maam/sir." Unya 'kumut-kumoton' ra. Unsa na? Naa nay super hilam-hilam powers ang mga guard kay madala raman sa pahikap-hikap, mahibaw-an na dayun nga wala ka gadala'g daotan nga butang? What if makasulod si Kim Jun Un sa IIT unya nagdala siya micro nuclear missile sa iyang bag purse, good-bye IIT na lang ta ani? Yahay!
• Okay raman ng pa-check ug bag. Makasabot man ta nganung buhaton na nila. Pero kung mag-strong na gani ang guard nga mag-check nga grabe na jud kaisog murag usa ka bipolar nga maestra nga nasuko kay wala ka naka-ready sa imong report nga 48 years na gihatag sa imo, ay, murag lahi na pud na. 

'Di ba, lain jud? Pero dili ra sad ta taman ug panaway dinhi (lain ra sad kaayo ko. Abi palang bitter. Hehehe) Isip usa ka estudyante nga permi muagi sa ing-ani nga sitwasyon, tabangan sad nato sila ug ang IIT mismo para mas manindot pa ang "working" environment sa mga tawo dinhi. Kung usa pa kini ka thesis, mao ni ang Recommendations.

• Sulayi'g pagpahiyum. Awata gud na ninyo si Manong Ballpen sa may over-pass oh. Bahala'g way ayo imong adlaw basta makita nimo siya nga gitagad ka sa usa ka Good Morning with matching smile pa, matakdan jud ka sa iyang pagka-positibo sa kinabuhi. 'Kaw, patudlo mo niya.
• Kung mag-check ug bag, ipakita sad nga nag-check pud. Dili kay mag-lamo-lamo lang. Para pud makaingon mi nga dili diay sayang among  "effort" ug abli sa bag ug naay gidali-an, nga concern jud diay sila sa safety sa tibuok IIT.

Kung naa pa moy mga idea o suhestyon para mas mamaayo ang ilang trabaho, ayaw mog sigeg reklamo. Fine, naa'y katungod ang tanan nga mureklamo pero i-sure lang nga naa kay alternative. Murag dapat ing-ani ta muhuna-huna. Kana gung panahon nga sige kag reklamo unya wala diay kay alternative na maihatag, lain kaayo na. Dili lang ta sige'g reklamo, mutabang sad ta para adunay kalambuan sa atong katilingban. Dili lang ni siya exclusive nga gamiton sa IIT lang, dapat i-practice pud ni nato gawas sa IIT, i-practice sad nato ni sa atong dakbayan (GIL FOR MAYOR! Hahaha. 'Wa na!)

Balik ta's IIT. Kamo, unsa man inyong experience sa mga guards ug unsa may inyong mahuna-hunaan nga solusyon ani nga maingon na sad nato nga problema?